Имрӯз, 26-уми феврал дар Варзишгоҳи марказии ҷумҳуриявӣ дар шаҳри Душанбе бозии ҷавобии даври муқаддамотии Ҷоми КФО-2020 байни дастаҳои “Хуҷанд”-и Тоҷикистон ва “Нефтчӣ”-и Қирғизистон баргузор шуд. Вохӯрии тимҳо бо натиҷаи 3:0 ба нафъи “Хуҷанд” хотима ёфт. Кӯшишу талошҳои футболбозони “Хуҷанд” самар оварданду дар дақиқаи 34-ум бо кӯмаки Дилшод Бозоров ҳисобро боз карданд. Аз сабабе, ки бозӣ дар Қирғизистон бо ҳисоби 1:0 ба нафъи “Нефтчӣ” хотима ёфта буд, ин дидор то вақти иловагӣ (экстра-тайм) тул кашид. Дар дақиқаҳои 107-ум ва 119-уми майдондорӣ боз Дилшод Бозоров ду голи дигарро ба самар расонида, дастаашро ба марҳилаи гурӯҳии Ҷоми КФО-2020 бурд.
Ҷоми КФО-2020
Минтақаи марказӣ
Плей-офф. Бозии ҷавобӣ
«ХУҶАНД» (ТОҶИКИСТОН) – «Нефтчӣ» (Қирғизстон) – 3:0.
Голҳо: Дилшод Бозоров, 34, 107, 119.
