Дирӯз дар варзишгоҳи “Талко-Арена”-и Турсунзода рақобати финалии мусобиқаи Ҷоми Ҷавонӣ-2024 миёни ҳайатҳои ҷавонони “Истиқлол” ва КМВА баргузор гардид.
Дар ин дидор “Истиқлол” бо ягона голи задаи Фирӯзҷон Шарипов пирӯзӣ ба даст овард ва ду карата ғолиби мусобиқаи мазкур шуд (1:0).
Дар бозӣ барои ишғоли зинаи сеюм бошад ҷавонони “Эсхата” бо ҳисоби 2:1 ҷавонони “Панҷшерро” мағлуб карданд.
Ҳамин тариқ ғолиби мусобиқа “Истиқлол” медалҳои тилло ва 30 ҳазор сомонӣ, КМВА медалҳои нуқра ва 20 ҳазор сомонӣ ва “Эсхата” медалҳои биринҷӣ ва 10 ҳазор сомонӣ ба даст оварданд.
Беҳтарин бозигари финал футболбози “Истиқлол” Фирӯзҷон Шарипов эътироф гардид.
Тоҷикӣ
Русский
